विशेष उल्लेखनीय
३६ वे पक्षीमित्र संमेलन (सांगली)
महाराष्ट्र पक्षिमित्रचे पुरस्कार जाहीर
पक्षीमित्र जीवन गौरव पुरस्कार श्री. दिगंबर गाडगीळ यांना जाहीर
स्व. अण्णासाहेब वझे स्मृती स्व. प्रकाश गोळे महाराष्ट्र पक्षिमित्र शिष्यवृत्ती
Late Annasaheb Waze memorial
Late Prakash Gole Maharashtra Pakshimitra Fellowship
महाराष्ट्रातील तरुण पक्षी अभ्यासकास दरवर्षी स्व. प्रकाश गोळे महाराष्ट्र पक्षिमित्र शिष्यवृत्ती (Late Prakash Gole Maharashtra Pakshimitra Fellowship) देण्यात येणार आहे. या शिष्यवृत्ती अंतर्गत किमान ६ महिने ते १ वर्ष कालावधीत एखाद्या पक्ष्यावर किंवा पक्षी अधिवासात अभ्यास करून अहवाल सादर करावा लागेल. या शिष्यवृत्ती अंतर्गत रु. ११०००/- आर्थिक सहाय्य देण्यात येईल. (२०२३-२४ या वर्षातील शिष्यवृत्ती स्व. अण्णासाहेब वझे यांचे स्मृती प्रित्यर्थ श्री. उदय वझे, अकोला यांनी प्रायोजित केली आहे.)
नियमावली –
१. अर्जदार महाराष्ट्र राज्यातील रहिवाशी असावा. किमान १२ वी पास, पदवी किंवा पदव्युत्तर शिक्षण घेत असल्यास उत्तम. वयोमर्यादा १८ ते २५ वर्षे ( + २ वर्षे )
२. अभ्यास/ संशोधन प्रस्ताव विहित नमुन्यात, विहित कालावधीत महाराष्ट्र पक्षिमित्रकडे सादर करण्यात यावा. प्रस्ताव इंग्रजी किंवा मराठी मध्ये असावा.
३. संशोधन प्रकल्प महाराष्ट्र राज्य क्षेत्रातील असावा. संरक्षित क्षेत्रातील अभ्यास प्रकल्पासाठी रीतसर परवानगी घेण्याची जबाबदारी अर्जदाराची असेल.
४. संशोधन / अभ्यास क्षेत्र हे पक्षी विषयक संशोधन, संवर्धन, सर्वेक्षण अथवा जनजागृती सबंधित असू शकेल.
५. अभ्यास/ संशोधन प्रकल्पाचा कालावधी ६ महिने ते १ वर्ष इतका असावा.
६. प्रकल्प सादर करतांना शाळा महाविद्यालयाचे किंवा मार्गदर्शकाचे शिफारसपत्र सोबत जोडणे आवश्यक आहे.
७. पहिला अंतरिम अहवाल ६ महिन्यानंतर सादर केल्यानंतर शिष्यवृत्ती ५० टक्के रक्कम अदा करण्यात येईल. उर्वरित रक्कम व प्रमाणपत्र संपूर्ण अहवाल सादर केल्यानंतर व समितीने मंजूर केल्यानंतर पुढील संमेलनात देण्यात येईल.
८. प्राप्त प्रस्तावामधून एका उत्कृष्ट प्रस्तावाची निवड, महाराष्ट्र पक्षिमित्रच्या निवड समिती कडून करण्यात येईल व तसे संबंधिताना कळविले जाईल.
९. अभ्यास प्रकल्पावर आधारित शोध निबंध, लेख, सादरीकरण इ. मध्ये “महाराष्ट्र पक्षिमित्र” चा उल्लेख करणे अनिवार्य राहील. प्रकल्पावर आधारित लेख “पक्षिमित्र” अंकासाठी लिहून पाठवावा लागेल तसेच या विषयावरील सादरीकरण संमेलनात करण्यात यावे.
१०. महाराष्ट्र पक्षिमित्र कार्यकारिणी सदस्य, सल्लागार मंडळ तसेच पक्षिमित्र संपादक मंडळ यांचे कुटुंबीय या शिष्यवृत्ती साठी ग्राह्य धरले जाणार नाहीत.
शिष्यवृत्तीचे प्रस्ताव पाठविण्याची अंतिम तारीख २५ नोव्हेंबर २०२३ आहे. आपले प्रस्ताव महाराष्ट्र पक्षिमित्रच्या पत्त्यावर, कार्यवाह, महाराष्ट्र पक्षिमित्र, व्दारा प्रा.डॉ. गजानन वाघ, ६३, अरण्यार्पण, समता कॉलनी, कठोरा रोड, व्हीएमव्ही पोस्ट, अमरावती ४४४६०४ किंवा Scan केलेला संपूर्ण प्रस्ताव PDF स्वरुपात संस्थेचा इमेल- pakshimitra@gmail.com वर पेपरलेस सुद्धा पाठविता येईल. अर्जाचा नमुना व शिष्यवृत्ती सविस्तर माहिती येथे उपलब्ध करून देण्यात आली आहे.
महाराष्ट्र पक्षिमित्र पुरस्कार २०२३
पक्षी संवर्धन, जनजागृती या क्षेत्रात सातत्याने केलेल्या कामाबद्दल तसेच पक्षी विषयक संशोधन, संवर्धक, जनजागृती, पक्षी उपचार, सेवा व सुश्रुषा या क्षेत्रात कार्यरत व्यक्ती / संस्थांचा गौरव व्हावा व त्यांना प्रोत्साहन मिळावे या उद्धेशाने २०१९ पासून महाराष्ट्र पक्षिमित्र तर्फे पुरस्कार देण्यात येत आहेत. यावर्षी २०२३ सालासाठी खालील पुरस्कारांसाठी प्रस्ताव मागविण्यात येत आहेत.
१. महाराष्ट्र पक्षिमित्र जीवन गौरव पुरस्कार
२. महाराष्ट्र पक्षिमित्र पक्षी संवर्धन व सुश्रुषा पुरस्कार
३. महाराष्ट्र पक्षिमित्र पक्षी संशोधन पुरस्कार
४. महाराष्ट्र पक्षिमित्र पक्षी जनजागृती पुरस्कार
याबाबत संपूर्ण माहिती मिळवण्यासाठी इथे क्लिक करा.
महाराष्ट्र पक्षिमित्र संस्थेचे उद्दिष्ट
'मिळून सारेजण करु व्दिजगण रक्षण!' या आमच्या ब्रीदवाक्याप्रमाणे पक्षांचे संरक्षण करणे आणि महाराष्ट्रातील सर्वदूर पसरलेल्या पक्षीमित्रांचे संघटन व त्यांचे कार्य एकत्रितपणे पुढे आणणे.
महाराष्ट्र पक्षिमित्र संस्थेचे कार्य
पक्षीमित्र संमेलने, पक्षी अभ्यास, पक्षी गणना, पक्षीमित्र पुरस्कार इ. कार्यक्रम आयोजित करुन पर्यावरणाचा प्रचार, प्रसार, संवर्धन, संरक्षण करणे.
Support us
Maharashtra Pakshimitra has been striving to protect Birds of Maharashtra since the past 20 years. Being a non-profit NGO, we rely on your help in securing funds. Please contribute.
महाराष्ट्र पक्षीमित्र संघटनेच्या वतीने पाचवी महा पक्षी गणना दि. ११ जाने. २०१४ ते २६ जाने. २०१४ या कालावधीत घेण्यात आली. ही गणना प्रतिवर्षी घेण्यात येते. त्यामधुन विविध पक्ष्यांची स्थिती, धोके, आढळ इत्यादी माहिती उपलब्ध होते. या माहितीच्या आधारे संकटग्रस्त पक्षी प्रजातींसाठी संरक्षण, संवर्धन कार्यक्रम हाती घेता येणे शक्य होते. या बाबींचा विचार करता अशा प्रकारची गणना ही अत्यंत महत्वाची ठरते. या प्रकल्पाचे समन्वयक म्हणून श्री. शरद आपटे (सांगली) यांनी काम केले.
Read Report (PDF) मराठी | English
View gathered data (Microsoft Excel File)
महाराष्ट्र पक्षीमित्र संघटनेच्या वतीने दि. १९ जाने. ते २७ जाने. २०१३ या कालावाधीत राज्यव्यापी पक्षी गणना आयोजीत करण्यात आली होती. गणनेसाठी संघटनेचे सभासद व सर्व निसर्गप्रेमींना सहभागी होण्याचे अहवान संस्थेचे अध्यक्ष भाऊ काटदरे व गणनेचे संयोजक व संघटनेचे सहसंघटक शरद आपटे यांनी केले होते. सगळ्या वयोगटातील लोक यात सहभागी झाले होते. नवनविन पक्षीमित्र यात सहभागी झाले ही एक आनंदाची बाब होती. या गणनेत ४९ ठिकाणांचे रिपोर्ट संघटनेकडे दाखल झाले.
Read Report (PDF) मराठी | English
View gathered data (Microsoft Excel File)
सन २०११ सालची महा पक्षी गणना २१ ते ३० जानेवारी या कालावधीमध्ये संपूर्ण महाराष्ट्रात घेण्यात आली. पक्षांची मोजदाद, त्यांची सद्य परिस्थिती या माहिती बरोबर सर्वसामान्य माणसांना पक्षीनिरीक्षणाची गोडी लागावी हा गणनेचा हेतू होता. महाराष्ट्राच्या तेरा जिल्ह्यतील ३४ तालूक्यात ही गणना संपन्न झाली. सगळ्या वयोगटातील लोक यात सहभागी झाले होते. नवनविन पक्षीमित्र यात सहभागी होत आहेत ही एक आनंदाची बाब आहे. धरणे, तलाव, समुद्र किनारे, खारफुटी, शहरे, बागा, जंगले इत्यादी विविध अधिवासात ३०८ जातींच्या एकूण ५९,३८२ पक्षांची नोंद केली गेली. या गणनेत ४ शाळांसह १५ संस्था व २०० व्यक्ती यांच्या कडून ११५ ठिकाणची गणना झाली.
Read full report (PDF) मराठी | English
View gathered data (Microsoft Excel File)
महाराष्ट्र पक्षीमित्र तर्फे घेतल्या जाणाऱ्या महा पक्षी गणनेत २०१२ या वर्षी अपेक्षेहून जास्त लोक सहभागी होताना दिसून आले. महाराष्ट्रातील ही महा पक्षी गणना २२ ते २९ जानेवारी २०१२ यादरम्यान घेण्यात आली. वृत्तपत्रांतील जाहिरातीत दिल्या प्रमाणे सर्व स्तरातील व वयोगटातील लोक यात सहभागी झाले होते. पक्ष्यांची गणना, त्यांची सध्याची परिस्थिती व माहिती सर्वसामान्यांपर्यंत पोहचावी व त्यांना ती आत्मसात करता यावी हा यामागचा हेतू आहे. गवताळ प्रदेश, धरणे, तलाव, समुद्रकिनारे, चिखलीय प्रदेश, खारफुटी जंगल, शहरे, बागा इत्यादी विविध अधिवासात २६६ जातींच्या एकुण १,३०,४०० पक्ष्यांची नोंद केली गेली. सर्वात जास्त पक्षी जळगांव (५९,६८८) येथे नोंदण्यात आले तर त्या पाठोपाठ सोलापुर (३०,४९६) आणि भुसावळ (२३,५८०) येथे पक्ष्यांची नोंद झाली. अशा प्रकारे जळगाव जिल्ह्यामध्ये निरनिराळ्या जातीचे १४९ पक्षी हंतुर धरणाजवळ आणि संख्येमध्ये जास्त असलेले २४,५३१ पक्षी हिप्परगा भागात आढळुन आले.
Read Report (PDF) मराठी | English
View gathered data (Microsoft Excel File)
सन २०१० सालची महा पक्षी गणना २४ ते ३१ जानेवारी या कालावधीमध्ये संपूर्ण महाराष्ट्रात घेण्यात आली. पक्षांची मोजदाद, त्यांची सद्य परिस्थिती या माहिती बरोबर सर्वसामान्य माणसांना पक्षीनिरीक्षणाची गोडी लागावी हा गणनेचा हेतू होता. गणनेसाठी संघटनेचे सभासद व सर्व निसर्गप्रेमींना सहभागी होण्याचे आवाहन संस्थेचे अध्यक्ष भाऊ काटदरे व गणनेचे संयोजक व संघटनेचे सहसंघटक शरद आपटे यांनी केले. या गणनेत संघटनेकडे ५१ ठिकाणांचे रिपोर्ट दाखल झाले.